Oproup Grunneger schrieftalenten n Daam, Delfziel, Ten Boer en Beem

DELFZIEL - Lu oet gemainten van n Daam, Delfziel, Ten Boer en Beem hebben veur Schriefwedstried dit joar al n mooi koppeltje verhoalen en riemkes opstuurd, moar der kinnen der nog veul meer bie. Dus groden en leutjen, schrief joen verzinsels, gedachten, oaventuren en zukswat op in t Grunnegs en dou mit. Twievel nait meer en dink nait das niks veur mie! As ie as schoulmeester of juf of grootollu de Grunneger toal n waarm haart toudroagen, goa din mit joen keudeldoemkes om toavel en loat heur schrieven in de streektoal! Elk verhoaltje of riemke is van harte welkom. Priezen worden deur n deskundege jury, onder veurzitterschap van Luuk Houwing, kundeg moakt deur börgmeester Groot op n feestelke oavend, vrijdag 26 meert in Meulenbaarg in Delfziel. Winnoars doun automoaties mit aan Pervinzioale Schriefwedstried.
       
Inzendens kin nog tot 1 meert digitoal inleverd worden via n stroombraifke noar schriefwedstried@mijneigenbibliotheek.nl. Regeltjes veur t mitdoun kinnen ie kriegen in leeszoal, moar ie kinnen ook kieken op www.mijneigenbibliotheek.nl en din onder kopke Aktueel op Nieuws klikken. Dailnemers van dizze wedstried worden apmoal opnomen in n gedrukte oetgoave, dij noa òfloop van feestelke oavend oetlangt wordt.
       
Deur mit te doun mit Schriefwedstried kinnen ie Grunneger toal in t zunnetje zetten. t Is van belang veur ons apmoal dat dizze toal blift broezen! Ook al spreken ie t Grunnegs nait, moar binnen joe wel n laifhebber, kom din vrijdag 26 meert ook genottern mit priesoetlangen! Wat let joe, tougang is vergees!
       
Dit evenement draagt bij aan een versterking van het behoud van cultureel erfgoed en wordt georganiseerd door het Huis van de Groninger Cultuur, Stichting Grunneger Toal en de openbare bibliotheek. De wedstrijd heeft als doel de Groninger taal onder de aandacht te brengen bij een grote groep burgers. Tijdens de feestelijke prijsuitreiking lezen ouderen en jongeren voor ‘uit eigen werk’. De wedstrijd bevordert de contacten tussen verschillende generaties en eraan meedoen stimuleert het gevoel van trots op de regionale traditie en cultuur. Oud en jong blijven op deze manier maatschappelijk én cultureel betrokken. De juryleden zijn deze keer Luuk Houwing, Aly Freije en Wil Scheltens. De muziek wordt verzorgd door Linde Nijland en Bert Ridderbos.