Geschiedenis Garmerwolde

't Graswold?

Joa, Garmwôl het zien oam, nat as Garrelsweer en Garreweer, van het old-vraize woord veur gras: gers.
De oaldste vermelden is out de dattiende aaiw: Germerawalda.
Dit Germerawalda muik dail out van n aauwer-oald Varendail of zo ie willen, Vierendeel, wat n zulfstanded rechtsgebied is in t old-vraize gewoonterecht, dat t Heidingze nuimt wer. Dat Heidingze lag tussen Thaissingze (dat is Thaisen) in t noorden en de meertjes van Lutje Haarkstee (dat doe nog nait beston) in t zuuden en wer omgeven deur de Oale Kwens, t Gewaaide en de Klaaisloot.
Germerwalda wordt ook wel Gel merwalda nuimt, noar de familie Gelmersmoa, dei hier n börg haar, richten Ten Boer, aan de zuudkaant van t Damsterdaip, dat in de 15e aaiw groaven is.
Van dai börg is allaain nog t oale schathoes over, as n staark verwoarloosde boerderij. Aal vroug wordt dar aan de zuudeleke kaant van Garmwôl n diek aanlegd, tussen de Oale Kwens en t Botterdörst - zoals t Gewaaide in t zuddeleke dail ook nuimt wordt - en dizze diek wordt din Gersdiek nuimt, noar Garmwôl dus.
't Dail ten zuuden van dei Grasdiek heit din't Haaidenschop - van Heidingze - en loat doar nou 't laand van mien veuroalen liggen, de Haidemoa's.
Garmwôl krigt in 't begun van de dattiende aaiw ain van de eerste (en messchain wel de mooiste) Kruuskaarke in ons pervinzie.
t Haaidenschop het din aal n klain kappellechie of arke.
Heidingz is van t oald-vraize heiding en heia wat rechtzitten beduud.
Messchain was t Haaidenschop nog veul groter as dat ik nou beweer en is t ain van de vief Varendailen dei de Fivel zien moam geven het.

Met dank aan Koen Heidema

 

De allereerste notulen van de vereniging.